Am Eigelstein es Musik
Am Samsdach wor widder ens Danz aanjesaat
und jeder, dä kunnt, wor dobej.
Die Müllers, die Meiers, die Lehmanns, dä Schmitz,
us Nippes sujar Onkel Hein.
Jo de Musik, jo die wor ald öm zehn Uhr blau
und op ejmol saat dann d'r Weet:
Och, Rita, kumm loss mer ens danze jonn,
ens luure, öv et immer noch jejt.
Am Eigelstein es Musik, am Eigelstein es Danz.
Jo do pack dat decke Rita däm Fridolin
am Eigelstein es Musik, am Eigelstein es Danz.
Jo do pack dat decke Rita däm Fridolin
am Trallalalalala.
Jetz kom och dä Heinrich su richtig en Form,
vorbej woren all sing Ping.
Un hä saat - man müsste noch mal, ach es ejal -
jo, do feel em de Brill en d'r Wing.
Et Höhneraug's Cilli dat danzde mem Jupp
su wie fröher met Schwung durch d'r Saal.
Un Rudi, der Geiger, dä stemmdte jrad aan,
dä Tango Kriminal.
Am Eigelstein es Musik ...
Doch öm vier en d'r Fröh kom et Abschiedsleed,
selvs d'r Weet jo dä kunnt net mih stonn.
Immer dann, wenn et jrade am schönsten es,
saat d'r Hein, jo, dann sull mer och jonn.
Am Eigelstein es Musik ...
*********************************************************************************
Beinah beinah (hätt ich se jebützt) (Paveier)
Dat Marleen hät dicke Brüstche, dat Marleen hät tolle Been
doch wenn ich em ens dran föhle, dann sät et immer nein
dat Marleen dat hät e Föttche, dat Marleen is stets jot drup
ich kann naachs nimmi schlofe gän het ich se ens je....
Beinah beinah beinah beinah beinah hät ich se jebütz
äver leider kom der Rainer un dä hät dat Ding jeritz
wat hät dä wat ich nit han, wat wills de bloß mit su nem Mann
Mädche loß mich nit so ston, Mädche loß de Käl doch jon
Dat Marie hät jet om Konto, dat Marie hät jet im Kopp
et lööt mich nit dran rüche, sät jank du beß beklopp
dat Marie hät schöne Auge, die Fijur is wirklich top
ich muß immer an et denke, jän het ich se ens je...
Beinah beinah…
Bin Fahrer bei der KVB
ming Mam meint ich wör janz OK
ich kann bal nimmi drüver laache
sach mann wat soll ich dann bloß maache
Beinah beinah…
Doch dat Rita hät e Fötche su wie e Sesterpäd
da kannste nix mie sage wenn die de Schnüss upmät
dat Rita hät zwei Zentner, dat mät mich fas beklopp
et löt mich naachs nimmi schloofe, jän het se mich je...
Beinah beinah beinah beihnah beinah hät se mich jebütz
sach wo bliev dann bloß der Rainer, dä dat Ding sons immer ritz
wat han ich wat dä nit hät, nemm dä Rainer dä is net
Mädche loß mich leever ston, Mädche loß mich endlich jon
*************************************************************************************
Blootwoosch, Kölsch un e lecker Mädche!
Dä Pitter, dä wor eines Dachs plötzlich fott.
Erus us Kölle op enem urahle Pott.
Sing Mamm, die krät ald richtich dr Zidder,
doch dä Ühm meinte nur: "Kein Angs, dä kütt widder"!
Blootwoosch, Kölsch un e lecker Mädche,
dat bruch ene Kölsche, öm jlöcklich zo sin.
Blootwoosch, Kölsch un e lecker Mädche,
dat fings do nur he, en Kölle am Rhing.
Hück wor'e he, un morje ald do,
doch dann wod däm Pitter no Monate klor.
Im dät jet fähle, dat sat im sie Hätz,
do es hä janz flöck Richtung Kölle jewätz.
Blootwoosch, Kölsch...
Doheim en Kölle, wor et ehts, wat hä sat:
Jetz e Kölsch un en Flönz, ich han lang drop jewat.
Om Kirmes, dann hät hä jet kennejeliert.
Nächste Woch ald wed Huhzick gefiert.
Blootwoosch, Kölsch...
**************************************************************
Buenos Dias, Mathias
En Woch op Mallorca met Halbpension
Betriebsausfloch Firma Kranz und Sohn,
dä Hot op die Brell aan un ab an dä Strand.
Am Ballermann han se uns direk widder erkannt.
Pesetas jetuusch un die Fläsche op
dat Jedudel eraf un d'r Ostermann drop.
Buena notte Charlotte Mallorca si si
dat es uns Erholung, wat bruche mer mih.
Buenos dias Mathias mer sin widder do
am Strand vun Mallorca wie jedes Johr.
Met alle Mann am Ballermann
nur Amore un Sonnesching un kei Bett jesinn.
Ovends jejesse et jov widder Fesch
un dann en de Disco wä setz do am Desch,
die Mädche vum Käjelclub „Drieß op die Kall".
Us Neppes, Jung, die kenne mer all.
Nohm fuffzehnte Danz hät d'r Jupp widder Ping
un rührt all sing Pille en et Bier met eren.
D'r Franz määt op Liebe en Witwe us Prüm
dä hammer em Fluchzeuch ehts widder jesinn.
Buenos dias Mathias ...
Schwemme wor keiner dofür blevv kein Zick
de Nas es zwar rut ävver brung simmer nit.
Doheim aanjekumme denk jedermann
Et jrööste usser Kölle es un bliev d’r Ballermann
Buenos dias Mathias ...
******************************************************************************
Bye-bye my love (Bläck Fööss)
Bye bye my love, mach et jot
bes zom nächste Mol.
Bye bye my love, du wors jot,
und eines, dat es klor,
ich weed dich nie, niemols verjesse,
denn die Naach met dir wor schön,
bye bye my love, auf Wiedersehn.
Schon als ich met dir jedanz han,
hatt' ich e wunderbar Jeföhl,
un irjendwie kom dann ding Hand an,
do krät ich botterweiche Knee.
Und dans simmer zo dir, du lochs nevven mir,
häs leis zo mir jesaat:
Du, ich jläuv, du muß jon, dat mußte verston,
un deit et dir och noch esu wih.
Bye bye my love...
Noch ene letzte Bleck zum Abschied,
du braats mich zärtlich an de Dür.
Und irjendwie kom dann ding Hand an
un wollt ene Hunderter vun mir.
Bye bye my love...
*********************************************************************
Dat Hätz vun d’r Welt
Dat Hätz vun d’r Welt, jo dat es Kölle
dat Hätz vun d’r Welt, dat schlät am Rhing.
Es och d’r Himmel öfters jrau,
un et Sönnche schingk jet mau
doch die Kölsche han em Hätze Sunnesching.
Eines Daachs d’r Herrjott sat: „Mein Jott, Urlaub dat wör'n Saach!"
röf Engel Jupp un Engel Franz un Engel Schäng.
Ihr drei, ihr fleecht ens flöck zor Ääd, luurt jot hin, wat sich su deit,
ich well wesse, wo die schönste Fleckcher sin!"
"Doch benempt üch", sät dä Här, ich weiß, dat fällt üch manchmol schwer,
ich möch e schön Hotel met Meer un Sunnesching!"
Engel Schäng sät: "Chef, hör zo, ich weiß, wat läuf, ich wor ald do,
dä schönste Fleck op dinger Ääd, dä litt am Rhing!"
Dat Hätz vun d’r Welt…
Vier Woche sin die drei op Jöck, als eetster kütt dä Jupp zoröck,
liht sing Engelsflöjel hänge un verzällt:
Ich wor en Hongkong, U.S.A., op Ibiza, Kanada,
doch dä Dom, dä es dat Schönste op dr Welt!"
Dat Hätz vun d’r Welt…
Engel Franz kütt anjeras, em Jeseech en rude Nas,
lallt: Mein Jott, wo simmer he, wo es mi Jlas?!
Cuba Libre, Whiskey, Gin - Rum un Cognac un och Wing,
doch et beste es e lecker Kölsch vum Faß!"
Dat Hätz vun d’r Welt…
Alles wadt op Engel Jean, wo bliev dat Kälche bloß su lang?
Unsre Herjott, dä weed kribblich un nervös.
Doch do kütt e Telejramm: "Ich dun kündije! Engel Jean.
Ich bliev en Kölle - stop – un hierode et Nies!"
***************************************************************************
Dat Wasser vun Kölle
Als unser Vatter do bovven de Welt jemaat,
do hät hä et schönste Fleckche Ääd he an d'r Rhing jelat
dann nohm hä die Kölsche an de Hand un sat:
Dat es jetz üch - et jelobte Land.
He künnt ihr klüngele, bütze, singe un fiere,
ävver halt' mer all die Sache öm Joddeswelle en Ihre,
un maat och nit nur ei Deil dovun kapott,
denn ihr wißt, ich sin alles,
un dann nemm ich et üch widder fott.
Oh leever Jott, jev uns Wasser, denn janz Kölle hät Doosch,
oh leever Jott, jev uns Wasser un helf uns en d'r Nut.
Ming Blome lossen alles hänge, wä hilf en d'r Nut?
D'r Wellensittich es wie jeck am schänge, dä Jung hät secher Woot.
Uns Joldfesch han de Auge deck un sare keine Ton.
De Wäschmaschin spillt total verröck, woröm hät d'r Minsch Calgon?
Ming Filme entwickel ich ovends em Rhing,
dat jeit janz jot, denn do es alles dren.
Och wemmer av un zo d'r Dönnscheß han,
mer gläuven wigger dran.
Dat Wasser vun Kölle es jot...
Oh leever Jott...
Nierestein sin schwer am kumme, oh Herr, wat deit dat wieh.
Och d'r Hoorusfall hät zojenomme, do hilf kei böschte mieh.
Alle Wasserrühre sin total verstopp, die dröppen vür sich hin.
Om Kaffee schwemp 'ne fiese Ölfilm drop, wie kütt dat Öl do ren?
Uns Feuerwehr, die es bestemmp nit schläch,
doch wenn se lösch, Jung, dann brennt et eets räch.
Oh Herr, dun e Wunder, üvverläch et dir,
söns stommer morje vür dinger Dür.
Dat Wasser vun Kölle es jot...
Oh leever Jott...
********************************************************************************
De Mama kritt schon widder e Kind
Op dem Hingerhoff is d'r Düvel widder loss
denn die Schmitze Pänz sin widder im Revier
se han sich in d'r Woll mit dem kleene Fritze Koll
weil die Mam vun dem in Hoffnung is
un singe
Sha-la-la-la Na Na Na Na Na Na
ding Mama kritt schon widder e Kind
un singe
Sha-la-la-la Na Na Na Na Na Na
ding Mama kritt schon widder e Kind
Dem Fritz is dat zu bunt un säht jetzt halt ens üre Mund
denn an eines hat ihr nit jedaach
mir packten üch zwar nie doch bahl han mer eine mieh
un dann sitt ihr nur noch sibbe jejen aach
un hä sing
Sha-la-la-la ....
Doch noh einem Johr wor dann alles widder klor
denn die Schmitzens woren dismol an d'r Reih
wer hätt dat jedach d'r kleene Fritz krät bahl ne Schlach,
denn jetz woren Schmitzens widder bei
un singe
Sha-la-la-la ....
****************************************************************************
Dicke Mädchen
Dicke Mädchen haben schöne Namen
Heißen Tosca, Rosa, oder Carmen
Dicke Mädchen machen mich verrückt
Dicke Mädchen hat der Himmel geschickt!
Ich hab da so ne klitzekleine Schwäche - oho
Zu der ich voll und ganz und ehrlich steh´
Bei mir da tanzen die Hormone Mambo -oho
Wenn ich nur dicke Mädchen seh´
Ob aus Norden, Süden, Osten oder Westen - oho
Dicke Mädchen sind einfach die besten
Dünne Mädchen wollen immer Blumen - Schade!
Aber dicke wollen immer Schokolade!
Dicke Mädchen...
Dicke Mädchen können besser singen - oho
Weil ihre Körper einfach besser klingen
Dicke Mädchen sind die Idealen - Idealen
Selbst Rubens wollte keine andren malen
Dicke Mädchen...
Dicke Mädchen hab´n ein großes Herz für Männer - oho
So ne Sumo-Frau - wär eigentlich der Renner!
Dicke Mädchen...
************************************************************************
Die Karawane zieht weiter ( Höhner )
Dummer ne, dummer ne, dummer ne Klore!
Dummer ne, dummer ne, dummer ne Klore!
Hammer nit, hammer nit, hammer nit!
Hammer nit, hammer nit, hammer nit!
Oh jeh! Su ne Driss, su ne Driss, su ne Driss!
Oh jeh! Su ne Driss, su ne Driss, su ne Driss!
Jommer in en andere Kaschämm! Schämm!
Jommer in en andere Kaschämm!
Die Karawane zieht weiter, dä Sultan hätt Doosch!
Dä Sultan hätt Doosch! Dä Sultan hätt Doosch!
Die Karawane zieht weiter, dä Sultan hätt Doosch!
Dä Sultan ,dä Sultan, dä hätt Doosch!
Dummer ne, dummer ne, dummer ne Klore!
Dummer ne, dummer ne, dummer ne Klore!
Han ävver, han ävver, han ävver nur Kabänes!
Han ävver, han ävver, han ävver nur Kabänes!
Wolle mr, wolle mr, wolle mr, wolle mr nit!
Wolle mr, wolle mr, wolle mr, wolle mr nit!
Jommer in en andere Kaschämm! Schämm!
Jommer in en andere Kaschämm!
Die Karawane ...
Doch Nathan der Weise, der wußte bescheid -
Der kannte ne Oase und die war nicht sehr weit!
Die Karawane ..
*********************************************************************
Drink doch eine met
Ne ahle Mann steht für de Weetschaftsdüür,
dä su jään ens einen drinken däht.
Doch hä hätt vell zo winnich Jeld,
su lang hä och zällt.
In d'r Weetschaft es die Stimmung jroß,
ävver keiner süht dä ahle Mann,
doch do kütt einer met enem Bier
un sprich en einfach an:
Drink doch eine met, stell dich nit esu ahn,
Du steihs he de janze Zick eröm.
Häs de och kei Jeld, dat es janz ejal,
drink doch met un kümmer dich net dröm.
Su mancher sitz vielleicht allein zu Hus,
dä su jään ens widder laachen dät.
Janz heimlich do waat hä nur do drop,
dat einer zo im säät:
Drink doch eine met....
**************************************************************
Echte Fründe
Echte Fründe ston zesamme,
ston zesamme su wie eine Jott un Pott.
Echte Fründe ston zesamme,
es och dih Jlück op Jöck un läuf dir fott.
Fründe, Fründe, Fründe en dr Nut
jon 'er hundert, hundert op e Lut.
Echte Fründe ston zesamme,
su wie eine Jott un Pott.
Do häs Jlück, Erfolg un küss zo Jeld.
Dich kennt he op einmol Jott un alle Welt.
Minsche, die dich vürher nit jekannt
kumme us de Löcher anjerannt,
un sin janz plötzlich all met dir verwandt.
Echte Fründe...
Scholderkloppe, Bravo nimm kei Engk.
Mer fingk dich wirklich toll un drät dich op de Häng.
Jlücklich, wä sich do nit blende liet
un nit zo vell op schöne Auge jitt,
en jedem Fründe 'ne richtige Fründe och süht
Echte Fründe...
Do häs Pech; et jeiht dr Birsch erav.
Verjesse es all dat, wat do bisher jeschaff.
Minsche, die dich vürher jot jekannt,
jevven dir noch nit ens mih de Hand.
Jetz sühs do, wä met Rääch sich Fründ jenannt.
Echte Fründe...
*******************************************************************
En d'r Kaygaß Nr.O
En d'r Kaygaß Nummer Null steiht en steinahl Schull
un do han mer dren studeet.
Unsre Lehrer, dä heeß Welsch, sproch e unverfälschtes Kölsch,
un do han mer bei jeleert.
Jo un mer han off hin un her üvverlaht, un han för dä Lehrer jesaht:
Nä, nä, dat wesser mer nit mih, janz bestemp nit mih,
denn dat han ma nit studeet.
Denn mer woren beim Lehrer Welsch en d'r Klaß,
un do han ma su jet nit jeleeht.
Dreimal 0 es 0 bliev 0, denn mer woren en d'r Kaygaß en d'r Schull.
Dreimal 0 es 0 bliev 0, denn mer woren en d'r Kaygaß en d'r Schull.
Es ne Schief kapott es ene Müllemmer fott,
hätt d'r Hungk am Stätz en Doos.
Kom d'r Schutzmann anjerannt, Hät uns all dann usjeschannt,
Sät: "Wat maht ihr Pänz dann bloß ?"
Un do hammer widder hin un her üvverlaht, un han för de Schutzmann jesaht:
Nä, nä, dat wesser mer nit mih...
Neulich krät uns en d'r Jaß die Frau Käzmanns beim Fraß
sät: "Wo lauft ihr Pänz bloß hin ?"
Uns Marieche sitzt zohus, weiß nit en un weiß nit us,
einer muß d'r Vater sin.
Jo un do hammer widder hin un her üvverlaht,
un han för die Kätzmanns jesaht:
Nä, nä, dat wesser mer nit mih...
****************************************************************************
En unserem Veedel
Wie soll dat nur wigger jon, wat bliev dann hück noch ston,
Die Hüsjer un Jasse, die Stündcher beim Klaafe
Es dat vorbei.
En d'r Weetschaff op d'r Eck ston die Männer an d'r Thek'
Die Fraulückcher setze beim Schwätzje zosamme
Es dat vorbei.
Wat och passeet, dat eine es doch klor
Et schönste, wat m'r han, schon all die lange Johr
Es unser Veedel, denn he hält m'r zosamme
Ejal, wat och passeet, en unserm Veedel
Uns Pänz, die spille nit em Gras un fällt ens einer op de Nas,
Die Bühle un Schramme die fleck m'r zosamme
Dann es et vorbei.
Wat och passeet, dat eine es doch klor
Et schönste, wat m'r han, schon all die lange Johr
Es unser Veedel, denn he hält m'r zosamme
Ejal, wat och passeet en unserem Veedel,
Dat es doch klor,
Mer blieven, wo mer sin, schon all die lange Johr,
En unserm Veedel, denn he hält m'r zosamme
Ejal, wat och passeet, en unserm Veedel.
*********************************************************************
Et Spanien-Leed
Spanien - Ole!
Jedes Johr im Sommer jeit dat Spillche widder los
met Sack un Pack nach Spanien weil et do jo nit vill koss
Mer fleije dann mem Neckermann von Wahn noh Benidorm
do weede mer schön brung un sin so richtich gross in Form
Nä Nä Marie is dat he schön
övverall nur Kölsche Tön
Nä he süht et wirklich us
wie bei uns zo Hus
He fählt nur vum Balkon
die Aussicht op d'r Dom
Am etzte Ovend weed direk e Barbeque jemaat
et weed jegrillt die Wööschjer hammer selver mitjebraat
Mer drinke Kuba Libre un Sangria bis zum Schluss
als echte Kölsche föhlt mer sich doch övverall zo Hus
Nä Nä Marie...
Am nächste Morje triff mer sich um zehn Uhr dann am Strand
En Zeidung us d'r Heimat un et Radio im Sand
Um zwöllef Uhr jitt et Mittach im Hotel is wärm jekoch
Ätzezupp mit Hämmche jit et einmol in d'r Woch
Nä Nä Marie...
Nomidaachs um 2 da machen mer dann eesch en Tour
met 80 Mann im Bus un dat für’n paar Peseten nur.
Drei Stunde durch die Stadt, do kriste wirklich vill ze sinn
un eines dat is jetzt schon klor, he fleije mer widder hin!
Nä Nä Marie...
****************************************************************************
He am Rhing
He am Rhing, he in Kölle
jo he am Rhing, he in Kölle
jo he am Rhing, he in Kölle
jo he in Kölle am Rhing
Et jitt e Fleckche op dr Ääd – halleluja
do es et Läwe levvensweet – halleluja
wo mer Kölsch un Blootwoosch kritt – halleluja
wo et de schönste Mädcher jitt – halleluja
He am Rhing...
Wo nimmp mer sich selvs op de Schöpp – halleluja
un sät de Wohrheit in dr Bütt – halleluja
wo haut mer kräftig op die Trumm – halleluja
un hätt es Hätz noch op dr Zung – halleluja
He am Rhing...
Wo weed jesunge und jelaach – halleluja
un och jefiert bes in de Naach – halleluja
Wo zeich mer stolz die Stippefott – halleluja
wo kritt uns keine Düvel fott – halleluja
He am Rhing...
**********************************************************
Hey Kölle - Do bes e Jeföhl
Hey Kölle - do ming Stadt am Rhing,
he wo ich jroß jewode ben.
Do bes en Stadt met Hätz un Ziel.
Hey Kölle, do bes e Jeföhl!
Ich han die Städte der Welt jesin,
ich wor in Rio, in New York un Berlin!
Se sin op ihre Aat jot un schön,
doch wenn ich ihrlich ben, do trick mich nix hin!
Ich bruch minge Dom, dä Rhing - minge Strom -
un die Hüsjer bunt om Aldermaat!
Ich bruch dä F.C., un die Minsche he,
un die jode, echte kölsche Aat!
Hey Kölle...
Do häss em Kreech fas' mem Levve bezahlt,
doch se han dich widder opjestallt.
Die Zick, die määt och för dir nit halt,
hück häste Ecke, die sin jrau un kalt!
Do weed römjebaut un vell versaut,
un trotzdem eines, dat es jeweß:
Dat dä Ärjer vun hück - un dat jeiht flöck -
die jode ahle Zick vun murje es!
Hey Kölle...
Ich blieve he, wat och passeet!
Wo ich die Lück verstonn,
wo ich verstande weed!
Hey, hey, hey!
Hey Kölle...
*******************************************************************
Ich ben ne Räuber
Ich trof e Leckerche, ich jläuv, dat stund op mich,
Et sproch mich an: drinks do met mer e Bier?
Ich saach: Leev Mädche, ich muß dich warne,
Loss de Finger weg vun mir
Ich ben ene Räuber, leev Marielche,
Ben ne Räuber durch un durch.
Ich kann nit treu sin, läv en dr Daach ren,
Ich ben ne Räuber, maach mr kein Sorch.
Ich dun jän kaate bes fröh am Morje,
Verspelle off, wat ich nit han.
Bloß eins behalt ich, dat es ming Freiheit,
Die nimp mr keiner, sulang ich mich wehre kann.
Ich ben ne Räuber ...
Ich mein et hück ihrlich, wenn ich saach, ich maach Dich,
doch bald kann dat janz anders sin.
Se dät bloß laache un sat: dat määt nix,
Morje weede mir wigger sin.
Am nächste Morje, ich hat kaum de Äujelche op,
Sat mieh Hätz: Jung, dich hät et erwisch!
He Marielche, ich han dich wirklich jän!
Do soh ich ne Zeddel om Köschedesch.
Ich ben och ene Räuber, leeve Pitter,
Ben ne Räuber durch un durch.
Ich kann nit treu sin ...
***********************************************************************
Jo, die Mädsche he us Kölle
Mädsche jitt et üvverall, doch bisher nie minge Fall.
Mädsche, die nur schön sin wollt ich nie - nä, ich well mih!!
Vill schöne Mädsche han ich schon jesinn,
doch die ich söke, muss janz anders sin.
E Mädsche, dat e Hätz vür jede Jeck hät
und doch nit immer dat määt, wat dä Kääl säät,
jo su e Mädsche muss et sin, eens he vum Rhing.
Jo, de Mädsche he us Kölle wesse immer wat se welle,
su e Mädsche moss de hann, jo dann bes de jlöcklich draan.
Jo, de Mädsche he us Kölle, dänne kanns de nix verzälle,
su e Mädsche he vum Rhing, dat lurt dir en et Hätz eren.
Mädsche us Kölle jevven wat se hann,
ävver su ejnfach küss de no net draan.
Kölsche Mädsche sare, wat se denke,
jonn och af und zo jään ejne drinke.
Jo su e Mädsche moss et sin, ejns he vum Rhing.
Jo, de Mädsche he us Kölle ...
Doch janau su joot jelonge sin am Rhing die Kölsche Jonge,
jonn die och ens jään allejn, se kumme immer widder hejm.
Losse sech nit vill verzälle von dä Mädsche he us Kölle,
denn et jitt drej Daach am Rhing, wo och die Mädsche Räuber sin.
*************************************************************************************
Kaffeebud
Dinsdaachs, mittwochs, donnersdaachs, fridaachs morjens halver zehn
do kummen se von der Baustell anjerannt
Schreiner, Pützer, Mürer un de Büggele vun dr Poss
un sojar dä dicke Schupo vun dr Eck
Un dann ston se in d’r Kaffeebud
un schüdden sich der Kaffee in d'r Kopp
jeder lies in singer Zeidung röm
jeder däut sich noch e Brötche rin
op eimol weet de Schnüss jeschwaat
dä Pützer hät zevill jesaat
do hanse jlich dä jrößte Zoff - Hurra
Du Jipsjeseech, du Weihnaatsmann, du wills Ahnung vun Fooßball han
sät do der Blö un laach sich half kapott
do schalt sich uch dä Mürer in, meint hau dem Käl doch eine rin
un kloppt dem Blö sing Zeidung op d'r Kopp (Frankfurter Alljemeine)
Un su ston se in der Kaffeebud
un schüdden sich der Kaffee in d'r Kopp
jeder lies in singer Zeidung röm
jeder däut sich noch e Brötche rin
op eimol is der Düvel loß
un uch der Büggel vun der Poss
der misch sich jetz mit in un schreit - Hurra
Der Pützer jo der is nit dumm, un biecht dem Blö der Löffel krumm
un schütt em dann der Kaffe in de Mötz
dä Mürer dät jet Milch dobei un krit jetz für die Sauerei
vom Posmann Zucker hinger de Brill jespritz (Schawein)
Die Kaffemamm brüllt jetz is Schluß, maat üür Sauerei ze Hus
un bringt dem Blö ne Lappe für sin Mütz
die Junge luure sich koot an un jevven sich so langsam dran
bes alles widder blänk un sauber blitz
Un su ston se in der Kaffeebud
un kloppen sich der Kaffee in d'r Kopp
bis se sich dann endlich einich sin
jeder drieht sich noch e Brötche rin
die Fröhstückspaus is jlich am Eng
die Jungen jeven sich die Häng
dann maat et jot bis morje halver zehn
***********************************************************************************
Kölsche Junge bütze joot
Et jitt bei uns en Kölle vill Kölsch un och Kamelle,
doch eines es jeweß vun Hamburg bes Paris.
Mer sin kein Kossverächter, nit besser un nit schläächter.
Sujar em Bayernland hätt jeder schon erkannt:
Kölsche Junge bütze joot
wie die Stars in Hollywood.
Mädche rötsch jet her zo mir
wenn do wills ich zeich et Dir.
Kölsche Junge bütze joot
wie die Stars in Hollywood.
Ach Marie, kumm rötsch jet her,
bütze es nit schwer.
Mer woren en Haiti un och en New York City,
jo selvs em Disneyland do sin mer jetz bekannt.
Do kom dä Richard Gere aan un wollt vun uns ene Tip han.
Jetz bütz dä akurat op echte kölsche Art.
Kölsche Junge bütze joot.....
Dröm Mädcher passt joot op. Mer Kölsche sin joot drop.
Mer schmecke och met Bart su wie en Appeltaat.
Kölsche Junge bütze joot....
*********************************************************************************
Mer losse d’r Dom en Kölle
Mer losse d'r Dom en Kölle, denn do jehöt hä hin.
Wat soll dä dann woanders, dat hät doch keine Sinn.
Mer losse d'r Dom en Kölle, denn do es hä zo Hus
un op singem ahle Platz bliev hä och jot en Schoss,
un op singem ahle Platz bliev hä och jot en Schoss.
Stell d'r für d'r Kreml stünd am Ebertplatz,
stell d'r für d'r Louvre stünd am Rhing,
do wör für die zwei doch vell ze winnich Platz,
dat wör doch e unführstellbar Ding.
Am Jürzenich, do wör villeich et Pentajon,
am Rathus stünd dann die Akropolis,
do wöss mer överhaup nit wo mer hinjon sollt,
un doröm es dat eine janz jewess.
Mer losse d'r Dom en Kölle...
Die Ihrestross die hiess villeich Sixth Avenue,
oder die Nord-Süd-Fahrt Brennerpass.
D'r Mont Klamott dä heiss op eimol Zuckerhot.
Do köm dat Panorama schwer en Brass.
Jet froch ich üch wem domet jeholfe es,
wat nötz die janze Stadtsanierung schon,
do soll doch leever alles blieve wie et es
un mir behalde uns're schöne Dom.
Mer losse d'r Dom en Kölle...
*********************************************************************
Mer schenke der Ahl e paar Blömcher
Em janze Vehdel es die ahl Frau Schmitz bekannt,
se weed vun alle nur et Schmitze Bill jenannt
Die hät nit viel, es nit besonders rich
un hät noch lang nit jeden Middag Fleisch om Desch.
Nur ein Deil jit et wo se Freud dran hät
dat sind de Blömcher op ihrem Fensterbrett.
Mer schenke der Ahl e paar Blömcher,
e paar Blömcher für ihr Fensterbrett.
Mer schenke ihr e paar Blömcher,
denn die ahl Frau Schmitz, die es esu nett.
Un klopp och öfters ne Ärme an ihr Döhr,
dat se janix jitt, ich glöuv, dat kütt nie vür.
Un es se och nit rich, es keine Millionär,
jetz zu verschenke, dat fällt ihr nit schwer.
Un sin et nur zehn Pfennig und nit mih,
dofür hät se ävver unser Sympathie.
Mer schenke der Ahl e paar Blömcher,
e paar Blömcher für ihr Fensterbrett.
Mer schenke ihr e paar Blömcher,
denn die ahl Frau Schmitz, die es esu nett.
Un es die ahl Frau Schmitz ens einmol nit mih do,
dann deit dat manchem wih, bestemb dat es doch klor
Wor se och nit rich, hatt nit besonders vill,
so war se doch für all et leve Schmitze Bill.
Lalalalalalalala……
Mer schenke der Ahl e paar Blömcher,
e paar Blömcher für ihr Fensterbrett.
Mer schenke ihr e paar Blömcher,
denn die ahl Frau Schmitz, die es esu nett.
*********************************************************************************
Ming eetzte Fründin
Ming eetzte Fründin, dat wor et Meiers Kättche
un ich fuhr mem Rädche Daach vür Daach zo im
Et Meiers Kättche fuhr dann met om Rädche
un dann dät et laache su wie ne Sunnesching
un dann dät et laache su wie ne Sunnesching
Als kleine Fetz, do wor ich King bei uns in d`r Strooss
un fuhr ich mit mingem Rädche met drei Jäng dodurch
jo do wor vielleich jet loss
Et Meiers Kättche us d`r Rhingjass
dat hatt mich dann och ens mem Rädche jesinn
un sick dem Daach hatt ich beim Kättche
ne janz dicke Stein im Brettche drin
Ming eetzte Fründin...
Mit veezehn kom ich in de Liehr als Installateur
do dät ich janz jot verdeene
un bahl schon hatt ich e Mopped vür de Düür
doch nevvenahn d`r Webers Mattes
dä wor schon Jesell, hatt mieh Jeld als ich
un et Kättche fuhr mem Mattes im Auto
un let mich janz einfach em Stich
Ming eetzte Fründin...
****************************************************************************
Och, wat wor dat fröher schön doch en Colonia
Wie hät doch Köln sing Eigenart verlore,
wie wor dat Levve he am Rhing su nett,
hück es mer selver sich nit rääch em klore,
ovv mer’ ne Fimmel oder keinen hät.
Dä fremde Krom, et es doch zo bedoore,
als ahle Kölsche schöddelt mer d’r Kopp;
Deit mer sich bloß die Dänz vun hück beloore,
stüss einem jedesmol die Heimmat op.
Och, wat wor dat fröher schön doch en Coloniea,
wenn d’r Franz m’em Nieß nom ahle Kohberg ging.
Wenn d’r Pitter Ärm en Ärm m’em Appolonia
stellvergnög om Heimweg ahn zo knuutsche fing!
Wer hät dann fröher jet vum Jazz un Steppe,
jet vun däm hochmoderne Blues gekannt?
Die Blus, die mir gekannt, dren sooch mer höppe
et Bell em Walzertempo lans de Wand:
„Ich küsse Ihre Hand“, wie hück se kruffe,
dat hät mer fröh’r zo sage sich schineet
do heeß et einfach: Liehn mer ens ding Schluffe,
ich ben zum nächste Schottisch ankascheet!
Och, wat wor dat…
Die sechsmol zweiundzwanzig bare Pfennige,
dat wor dä Wocheluhn vun ‚nem Kommiß.
Dä woht verdanz, mer fohlt sich wie de Könige,
de Zech bezahlte meschtendiels et Liß.
Die Kavaliere leete met sich handele,
wenn mer als Mädche Schless un Kohldamp hatt,
trok hä en Dös’che met gebrannte Mandele,
die wohten dann gelötsch bis dat mer satt.
Och, wat wor dat…
*******************************************************************************
Op dem Maat
Op dem Maat, op dem Maat stonn die Buure,
Decke Eier, fuhle Prumme, lange Muhre.
Un die Lück, un die Lück sin am luure
op die Eier, op die Prumme, op die Muhre.
Et samsdaachs jeht die Mamma immer janz fröh op dr Maat.
Denn do jitt et frische Eier, Kappes un Salat.
En Maatfrau schreit us voller Brust „dr Koppschlot dreimarkvier
mit Lüs un Schnecke inklusiv, dat es doch nit ze düür.
Op dem Maat…
En Colonia….
Un nevvenahn, do steht ene Kääl met Kappes un Schavou.
Dä Kappes es met Mess jedünk un Ferkesjauche pur.
Doch eines hätt hä nit bedaach, dat es doch sunneklor,
dat och dr Mess hück nit mie es, wat hä ens fröher wor.
Op dem Maat…
En Colonia…
En Currywoosch, für zweschendurch, schmeckt he noch Jung un Alt,
denn dofür sorch dr Curry-Jupp vum schönen Westerwald.
Un för die Woosch em Plastikdarm jewürz met vill Phosphat,
do stonn sujar de Jröne an dr Frittebud parat.
Op dem Maat…
En Colonia…
**********************************************************************************
Superjeile Zick (Brings)
Maach noch ens die Tüt an, he is noch lang nit Schluss
un uch noch en Fläsch op, ich will noch nit noh Huus
ich kenn en paar Schüss die han bestimmt wie mer
Bock op en Party, sag dat jeit doch hier
Kumm, maach keine Ärjer, maach uns keine Stress
mer sin uch janz leis un maache keine Dress
a beßje jet rauche, jet suffe un dann
loore ob mer mit dä Schüss jet danze kann
Nä, wat wor dat dann fröher en superjeile Zick
mit Träne in d´r Auge loor ich manchmol zurück
bin ich hück op d´r Roll nur noch half su doll
doch hück Naach weiß ich nit wo dat enden soll
Et weed immer späder un drusse weed et hell
mer sitze noch zesamme bei Biercher un Verzäll
et is fast wie fröher un ich muss noh Huus
do fängt et an ze schneie, medden im August
Et is mir dressejal, wenn ich hück umfall
ob ich schwade, oder nur noch lall
erwachse weede kann ich uch morje noch
langsam weed et he jemötlich, denn die Schüss, die laufe op
Nä, wat wor dat dann fröher ..
******************************************************************************
Viva Colonia (Höhner)
Met ner Pappnas gebore, dr Dom en dr Täsch,
han mir uns jeschwore: Mer jon unsre Wääch
Alles wat mer krieje künne nemme mer och met,
weil et jede Augenbleck nur einmol jitt.....
Mer jon zom FC Kölle un mer jon zom KEC.
Mer drinke jän e Kölsch un mer fahre KVB.
Henkelmännche - Millowitsch, bei uns es immer jet loss
Mer fiere fiere jän - ejal of klein of jross - wat et och koss´!
Da simmer dabei! Dat is prima!
Viva Colonia!
Wir lieben das Leben, die Liebe und die Lust.
Wir glauben an den lieben Gott und hann noch immer Durst.
Mer han dä Kölsche Klüngel un Arsch huh - su heiss' et he!
Alaaf op Ruusemondaach un Aloah CSD
Mer sin multikulinarisch, mer sin multikulturell
Mer sin in jeder Hinsicht aktuell - auch sexuell!
Da simmer dabei! Dat is prima!
Viva Colonia!
Wir lieben das Leben, die Liebe und die Lust.
Wir glauben an den lieben Gott und hann noch immer Durst.
Mer lääve hück - nit murje, zo schnell verjeiht die Zick.
L.M.A.A. ihr Sorje, mer lääve dä Aujenbleck.
...un dä es jenau jetz´!
Da simmer dabei! Dat is prima!
Viva Colonia!
Wir lieben das Leben, die Liebe und die Lust.
Wir glauben an den lieben Gott und hann noch immer Durst.
Da simmer dabei! Dat is prima!
Viva Colonia!
Wir lieben das Leben, die Liebe und die Lust.
Wir glauben an den lieben Gott und hann noch immer Durst.
*********************************************************************************
